O cuarteto vigués Eladio y Los Seres Queridos, quen o 29 de maio deste ano estrearon o seu último álbum, ‘B.S.O. 2005 -2025’, estrean este venres este traballo en formato de vinilo. O álbum é unha homenaxe aos seus 20 anos de carreira como banda, no que recompilan dezaseis temas do seu catálogo agora revisitados coa axuda de colaboracións de Eva Amaral, Pucho de Vetusta Morla, Veiga, Fillas de Cassandra, Depedro e Gala Santos. Ademais, o traballo gravouse con todos os músicos tocando en directo.
“BSO é a nosa historia en cancións, a Banda Sonora dos nosos 20 anos e é Orixinal porque ten o seu son e universo persoal. É unha pequena e modesta historia pero ten luz propia, por iso quizais ninguén a puido apagar”, explicou o propio Eladio Santos. O grupo presentará os novos temas revisitados en Valencia, o 3 outubro en Vigo; o 10 outubro, en Santiago de Compostela; o 22 xaneiro, en Madrid; e o 23 dese mesmo mes en León.
