InicioCulturaA remodelación do Museo Massó de Bueu rematará en 2024

A remodelación do Museo Massó de Bueu rematará en 2024

Trátase dunha actuación "complexa" que leva o traslado de 11 grandes embarcacións antigas e unha dificultade extra de instalar maquinaria e contar coa colaboración de arqueólogos.

PUBLICADO O

O conselleiro de Cultura, Educación, FP e Universidades, Román Rodríguez, visitou este venres o Museo Massó de Bueu, no que a Xunta inviste 1,1 millóns de euros para unhas obras de ampliación e mellora que concluirán en 2024. Trátase dunha actuación que, tal e como destacou o titular de Cultura do Goberno galego, converterá a esta infraestrutura en “unha referencia de primeiro nivel na conservación e divulgación do patrimonio mariñeiro”.

De feito, esta obra posibilitará tamén sumar máis fondos ao museo, como “obxectos de gran valor que actualmente permanecen gardados e que en moitos casos están relacionados coa figura de Urbano Lugrís”, do que precisamente o próximo 23 de decembro conmemorarase o 50 aniversario do seu falecemento.

Trátase dunha actuación “complexa” que leva o traslado de 11 grandes embarcacións antigas e unha dificultade extra de instalar maquinaria e contar coa colaboración de arqueólogos. Durante as obras, localizáronse 54 pesos empregados para a maduración de anchoas que se depositarán no propio museo.

Outro dos obxectivos destas obras actualmente en marcha é resolver os problemas da envolvente do edificio e do acondicionamento das salas. “Os traballos que estamos a levar a cabo suporán un antes e un despois para Bueu e para toda Galicia ao recuperar unha edificación histórica que é un símbolo para esta vila e incorporar novas zonas de visita ao museo”, subliñou Román Rodríguez.

ÚLTIMAS

Encontran o cadáver desmembrado dunha muller dentro dunha maleta nun solar de Vigo

Un home achou na tarde deste xoves un cadáver en avanzado estado de descomposición,...

Dúas persoas trasladadas ao hospital por un incendio nun edificio en Nigrán

Dúas persoas foron trasladadas, unha delas con queimaduras, tras producirse un incendio, que se...

A xestora do PP de Vigo promete unha “transición modélica” cun partido “unido”

A xunta xestora que asumirá as rendas do PP de Vigo tras a renuncia...

A Xunta destinará 1,8 millóns de fondos europeos facer do Mosteiro de Oia un gran establecemento turístico

Case dous millóns a facer do Mosteiro de Oia un gran establecemento turístico no Camiño...