InicioCulturaA UVigo estrea este curso un programa de doutoramento específico en Nanociencia...

A UVigo estrea este curso un programa de doutoramento específico en Nanociencia e Biomedicina

O novo programa, coordinado por Juan Pablo Hervés, investigador do CINBIO, ofrece neste primeiro curso un total de 12 prazas, coas que os aspirantes poderán optar a liñas de investigación como as terapias avanzadas, sistemas e sensores para monitorización en medioambiente e saúde; nanomateriales funcionais; prevención de enfermidades, dispositivos e biomarcadores para a detección temperá; alimentación, nutrición e seguridade alimentaria; ou estratexias de sustentabilidade.

PUBLICADO O

Universidade de Vigo estrea este curso un programa de doutoramento específico en Nanociencia e Biomedicina, vinculado ao seu centro de investigación CINBIO. Esta é a principal novidade na oferta de títulos de doutoramento da institución académica viguesa, que conta con 41 programas e máis de medio milleiro de prazas de novo ingreso: 335 no campus de Vigo, 103 no campus de Ourense e 77 no campus de Pontevedra. Toda a información da oferta está dispoñible no apartado de ‘Acceso doutoramento’ da web da Universidade: a preinscrición pode facerse ata o 8 de setembro, e o prazo de matrícula será do 1 ao 7 de outubro.

Os 41 programas de doutoramento están agrupados en diversas áreas de coñecemento: Ciencias, Ciencias da Saúde, Arte e Humanidades, Enxeñaría e Arquitectura, e Xurídico-Social. “Desde a creación en 2013 da Escola Internacional de Doutoramento da Universidade de Vigo, EIDO, destacou por ofrecer un modelo de formación flexible, interdisciplinar e de calidade, orientado a potenciar as liñas de investigación de maior interese e proxección da Universidade”, destacou o director deste centro, Antonio Collazo.

O novo programa de doutoramento en Nanociencia e Biomedicina, coordinado por Juan Pablo Hervés, investigador do CINBIO, ofrece neste primeiro curso un total de 12 prazas, coas que os aspirantes poderán optar a liñas de investigación como as terapias avanzadas, sistemas e sensores para monitorización en medioambiente e saúde; nanomateriales funcionais; prevención de enfermidades, dispositivos e biomarcadores para a detección temperá; alimentación, nutrición e seguridade alimentaria; ou estratexias de sustentabilidade.

Deste xeito, búscase dotar ao alumnado de ferramentas e metodoloxías xerais necesarias para desenvolver os seus traballos de investigación, buscando a integración de dúas áreas de traballo como nanomateriais e biomedicina; ademais de presentar unha visión multidisciplinar e colaborativa entre diferentes liñas e áreas de investigación. Ademais do propio CINBIO, tamén participan neste novo programa de doutoramento outros centros de investigación como o Iberian Nanotechnology Laboratory (INL) de Portugal ou o Centro de Investigación cooperativa en Biomateriales (CIC biomaGUNE) de San Sebastián.

ÚLTIMAS

Detido un home pola súa suposta vinculación co crime da maleta

A Policía Nacional detivo na mañá deste venres a un home pola súa presunta vinculación co...

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...