O Mosteiro de Oia, en Pontevedra, acollerá o 29 de agosto un concerto de música instrumental, no marco do festival Sinsal SON Estrela Galicia 2023, que se traslada da illa de San Simón ao citado recinto. Esta xornada de peche da edición deste ano incluirá un concerto de música clásica da man do ensemble As Donas e a posibilidade de participar nas actividades paralelas de descubrimento e interacción co patrimonio histórico, cultural e natural. Será cunha visita guiada ao propio mosteiro e unha experiencia inmersiva ao mundo submarino da ría de Vigo “mediante a realidade virtual”, explica a organización.