O ‘Vive Nigrán Picnic Pop Festival’ desenvolverá a súa sétima edición entre o 30 de xuño e o 1 de xullo no campo de fútbol de Monte Lourido, á beira de Praia América, cos concertos e sesións DJ de 10 artistas e outras actividades complementarias.

O certame, que conta co apoio da Xunta e está adherido á marca FEST Galicia, ofrece na súa nova entrega as actuacións dos grupos Nada Surf, Los Enemigos, Morreo, Morgan, The Rapants, Javiera Mena, Samantha Hudson e Ojete Calor desde os dous escenarios que se instalarán no recinto.

Cada día de celebración, no que se sucederán actuacións desde as 19,00 horas da tarde ata as 3,00 horas da madrugada, pecharase coas sesións a cargo de Eme DJ e Señora DJ.