O artista galego Abraham Cupeiro representa o seu espectáculo ‘Pangea’ a partir do vindeiro sábado 22 de abril as 20:00 horas na localidade pontevedresa de Arbo, xunto á Banda de Música do municipio. O concerto está enmarcado dentro da programación da LXIII Festa dá Lamprea que terá lugar entre o 28 e o 30 de abril. A entrada é gratuíta ata completar aforamento.
Neste espectáculo, Abraham Cupeiro fai un percorrido ao redor do mundo a través dos diferentes estilos de música tradicionais de cada lugar do planeta. Para iso, o músico de Sarria utiliza instrumentos característicos de cada país para conseguir que os espectadores viaxen con él a destinos como Oceanía, Asia ou América.
Ligado ao mundo da música desde a infancia, Abraham Cupeiro, nado en Sarria, trasladouse a Madrid para estudar alí trompeta. En 2006 construíu unha trompeta barroca do século XVIII e a partir de aí adicouse a estudar outros tipos de instrumentos de vento ata reunir unha colección de máis de 200 de diferentes épocas e tipos.
