Polo menos unha persoa faleceu e varias máis resultaron feridas de diversa consideración tras esborrallarse unha árbore sobre o público que asistía a un concerto do Bruxo Queimán e Andrea Pousa na localidade pontevedresa de Mondariz-Balneario.
Así o confirmou a Europa Press o rexedor deste municipio, José Antonio Lorenzo, quen explicou que o concerto, nunha zona axardinada próxima ao hotel balneario, estaba a chegar ao seu fin, pasadas as 21,00 horas, cando, por razóns que se descoñecen, unha árbore de gran porte caeu sobre parte do público que presenciaba o espectáculo.
Polo menos unha persoa faleceu e, segundo o alcalde, trataríase dunha muller; mentres que resultaron feridos outros asistentes, entre eles o marido da falecida.
José Antonio Lorenzo explicou que, cando se montou o equipo de luces e sons para o evento, “ninguén viu nada anormal” con respecto a esa árbore, que fixese presaxiar que estaba en mal estado, gretado ou con perigo de vir abaixo.
