InicioSucesosRescatados os dous ocupantes dun vehículo que se precipitou por un terraplén...

Rescatados os dous ocupantes dun vehículo que se precipitou por un terraplén nas Neves

PUBLICADO O

Dúas persoas necesitaron a axuda dos servizos de emerxencia para saír do vehículo no que circulaban despois de sufrir unha saída de vía e precipitarse por un terraplén no municipio pontevedrés das Neves.

Segundo informou o 112 Galicia, un particular contactou co servizo de emerxencias para informar o accidente ás 20,30 horas deste pasado martes para solicitar axuda xa que, segundo indicou, un turismo acababa de precipitarse por un desnivel duns tres metros e había persoas dentro que non podían saír.

O sinistro tivo lugar no lugar de Rubiós, na estrada que une dita parroquia co lugar da Mó. Por iso, os operadores do CIAE-112 Galicia puxeron en marcha un operativo que contou coa colaboración dos Bombeiros do Porriño e de Ponteareas, dos servizos médicos e da Garda Civil de Tráfico.

A dotación de Bombeiros do Porriño, desde o punto, confirmou que axudaron a saír do vehículo a dúas persoas debida a dificultade da situación do turismo, que quedara envorcado, para que puidesen ser atendidas polo persoal sanitario, apuntaron as mesmas fontes.

ÚLTIMAS

A CIG chama ás mulleres da área de Vigo a “tomar as rúas” ao berro de ‘Stop precariedade. Traballo digno e igualdade’

A CIG presentou este luns en Vigo as mobilizacións convocadas en diferentes localidades da comarca con...

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...