InicioSociedadeAs Neves, récord en forza do vento con 160 quilómetros por hora

As Neves, récord en forza do vento con 160 quilómetros por hora

A borrasca Elsa deixa tras de sí dúas vítimas mortais. Unha en Santiago de Compostela e outra en Asturias.

PUBLICADO O

Mentres as choivas do temporal ‘Elsa’ diminúen en intensidade, os ventos mantivéronse moi fortes ao longo deste xoves en Galicia, onde se alcanzaron refachos por encima dos 160 quilómetros por hora nas Neves ou de máis de 151 en Oia, ambos na provincia de Pontevedra.

Con todo, estes non foron os únicos valores elevados na comunidade. Segundo os datos de Meteogalicia, os refachos máis fortes da provincia da Coruña medíronse en Corrubedo, onde se chegou aos 132 quilómetros por hora, seguidos de preto polos 131 de Lousame ou os 129 de Cedeira.

Do mesmo xeito, en Lugo, os valores alcanzaron os 134,6 quilómetros por hora na estación de Cervantes, na montaña dos Ancares, os 128,2 en Viveiro, na costa, e os 126,7 na Pontenova. Finalmente, na provincia de Ourense case todos os valores altos rexistráronse na montaña, como é o caso dos 130 quilómetros por hora dos refachos na cabeza de Manzaneda, os 127 da Veiga, os 126 do Alto do Rodicio, en Maceda, ou os 121 de San Xoán de Río.

ÚLTIMAS

Sindicatos chaman aos vigueses a manifestarse o sábado por un transporte público digno ante o “abandono” municipal

Os responsables comarcais dos sindicatos CIG, CC.OO., UGT e USO fixeron este xoves un...

O V Simposio Nacional de Oncoloxía de Precisión aborda en Vigo retos como a IA ou o uso de anticorpos biespecíficos

A cidade de Vigo acolle este xoves e este venres o V Simposio Nacional de...

Acepta unha multa de 2.280 euros por manosear e bicar a unha camareira sen o seu consentimento

O acusado de manosear e bicar a unha camareira sen o seu consentimento aceptou...

Detido un veciño de Porriño tras atacar cunha pedra a unha muller para roubarlle o bolso

Un home de 25 anos veciño do Porriño foi detido acusado dun delito de...