O conselleiro de Sanidade, Jesús Vázquez, e o alcalde da localidade pontevedresa de Arbo, Horacio Gil, asinaron este xoves un convenio de colaboración no que se establecen as bases de colaboración para a cesión da propiedade do centro de saúde deste municipio, do que é titular o concello, ao Sergas, para a asunción dos gastos de mantemento.

O convenio recolle que este concello pontevedrés comprométese a realizar todos os trámites patrimoniais e urbanísticos que sexan necesarios co fin de posibilitar a cesión patrimonial do centro de saúde ao Sergas, libre de cargas e gravames.

Pola súa banda, o Sergas comprométese á asunción dos gastos de mantemento do centro de saúde a partir do momento en que se proceda á formalización da súa cesión patrimonial.