A Asociación Deportiva e Cultual LampreBike de Arbo, presentaba o pasado domingo 13 de maio nas famosas Pesqueiras do Rio Miño e en presencia do Alcalde do Concello de Arbo, Horacio Gil, a equipación, a directiva e os componentes do equipo.
A Asociación LimpreBike naceu aproximadamente hai dous anos, cando uns veciños do Concello de Arbo constituían unha asociación sen animo de lucro para fomentar, coordinar e encauzar a amizade e as iniciativas entre os integrantes da mesma, para fomentar a práctica deportiva do ciclismo de montaña e as actividades deportivas relacionadas con dito exercizo, asi como para promocionar e divulgar a idea do exercicio físico e deporte en xeral, e para promocionar a bicicleta como medio de transporte sostible.