InicioSucesosDetidos en Salvaterra con 1,6 quilos de marihuana ao detectar a Guardia...

Detidos en Salvaterra con 1,6 quilos de marihuana ao detectar a Guardia Civil o cheiro da “maría”

PUBLICADO O

 

Axentes da Guardia Civil detiveron a dous cidadáns portugueses, ocupantes dun turismo, aos que atribúe un suposto delito contra a saúde pública, ao sorprendelos tentado cruzar a ponte internacional sobre o Río Miño, en Salvaterra e en dirección a Portugal, con 1,6 quilos de marihuana.

Os feitos producíronse, segundo informaron fontes do Instituto Armado, na noite do luns, cando unha dotación de Guardia Civil instalada nun Punto de Verificación de Vehículos deu o alto a un coche ocupado por dúas persoas, á altura da ponte internacional en Salvaterra.

Os axentes percibiron cheiro a marihuana no interior do vehículo, e comprobaron que, debaixo dun dos asentos dianteiros, había unha bolsa de plástico con marihuana. Do mesmo xeito, no asento traseiro había unha mochila con outra bolsa desa sustancia estupefaciente, sumando un total de 1,6 quilos.

Os dous ocupantes do coche foron detidos e postos a disposición do xulgado de Instrución correspondente, que decretou a súa posta en liberdade, en calidade de investigados por tráfico de estupefacientes, polo que terán que comparecer cando sexan requiridos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...