InicioEconomíaGalicia lidera a produción de kiwi en España

Galicia lidera a produción de kiwi en España

É a maior produtora deste froito en España, con máis de 16.000 toneladas anuais.

PUBLICADO O

Galicia mantense como a principal área produtora de kiwi, con máis de 16.000 toneladas anuais cultivadas nunha superficie que rolda as 700 hectáreas, e un total de 87 explotacións que se dedican á produción tanto de kiwi como de amorodo e arando.

Do total de explotacións das que se ten constancia a Consellería de Medio Rural, 48 corresponden ao kiwi, seguidas de 27 de amorodo, e outras 12 de arando.

Por provincias, estas producións localízanse “claramente” na fachada atlántica, con case o 90 por cento do total, polas súas condicións climatolóxicas. Así, na Coruña hai 39 cultivos e en Pontevedra 36, mentres que en Lugo hai 7 e en Ourense 5.

O caso do kiwi é “paradigmático” neste sentido, pois máis da metade das explotacións (27) están en Pontevedra e A Coruña suma 16, mentres que Lugo ten cinco e Ourense ningunha.

A Xunta, que lembra que o cultivo de kiwi se iniciou en España en 1969, concretamente en Gondomar e Tui (Pontevedra), manifestou que en Galicia hai dúas organizacións profesionais de froitas e hortalizas (Horsal e Kiwi Atlántico) e no caso dos arándanos destacou a explotación Horticina.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...