O xulgado de instrución número 1 de Tui decretou o ingreso en prisión provisional comunicada e sen fianza para F.G.L., investigado pola explosión pirotécnica neste municipio pontevedrés.

Logo de prestar declaración durante unhas tres horas ante a xuíza na súa segunda comparecencia nos xulgados en menos dunha semana, decidiuse o seu ingreso en prisión polos supostos delitos de tenencia de explosivos e risco catastrófico.

F.G.L. foi detido este luns por segunda vez, despois de que a Garda Civil localizase a pasada fin de semana dous almacéns ilegais de explosivos na parroquia de Baldráns, que sumaban máis de 1.600 quilos deste tipo de material.

Tras compadecer no xulgado, xa saíu escoltado o dono da pirotécnica La Gallega, acusado de múliples delitos tras a catástrofe de Paramos, que deixou dous mortos, case 700 afectados e case 100 casas danadas, algunhas de forma completa; sobre todo tras atoparse eses dous galpóns máis preto de vivendas con explosivos almacenados de xeito ilegal, feito polo que a Fiscalía pediu prisión.

A tensión está a crecer e de feito un veciño tentou golpealo á súa entrada ao xulgado, sen éxito ao ser freado polos corpos de seguridade.