A Garda Civil detivo na tarde deste luns a unha muller como presunta autora dos incendios que calcinaron un total de 21 vehículos na localidade pontevedresa de Tui durante esta madrugada.

Segundo fontes da Benemérita consultadas por Europa Press, a agora detida trátase dunha veciña do municipio de 52 anos de idade. Foi grazas ao visionado das cámaras de seguridade que os axentes puideron pescudar a identidade da muller.

As primeiras informacións apuntan a que unha disputa familiar podería estar detrás das causas do suceso. Aínda que non se descartan outras hipóteses, polo momento as investigacións suxiren que actuaría soa. Por todo iso, previsiblemente a muller pasará este martes, día 21 de marzo, a disposición xudicial.

FEITOS

Todo iso despois de que 21 coches acabasen calcinados na madrugada deste luns en Tui. Tal como informaron fontes do Concello e do 112 Galicia consultadas por Europa Press, foi minutos antes das 04,00 horas cando se tivo constancia do primeiro lume. A persoa que chamou aos servizos de emerxencias indicou que había tres vehículos ardendo na Praza da Armada.

A partir de aí, o Centro Integrado de Atención ás Emerxencias 112 Galicia comezou a recibir un “goteo constante” de chamadas desde diferentes rúas da zona vella describindo un escenario similar.

Minutos despois, outro alertante aseguraba que un automóbil ardía moi próximo a unha casa, afectando as chamas ao inmoble, que queimaron unha xanela, unha porta e un canlón de recollida de auga.

Por todo iso, deuse aviso a medios tanto españois como portugueses, mobilizándose os bombeiros de Valença e os do Baixo Miño e Ponteareas, ademais dos GES de Mos e voluntarios de Protección Civil de Tui, de Salceda e de Tomiño. En total contabilizáronse 21 vehículos calcinados en cinco puntos distintos.

Tras apagar os lumes á primeira hora desta mañá, os axentes comezaron a traballar sobre o terreo para extraer conclusións do ocorrido e esta tarde detívose a unha muller como presunta autora dos feitos.

ASÍ FOI O SUCESO

Un total de 21 coches arderon na madrugada deste luns en Tui ao rexistrarse polo menos seis puntos de lume en diferentes zonas do centro histórico da cidade. Tal como informaron fontes do Concello e do 112 Galicia consultadas por Europa Press, foi minutos antes das catro da mañá cando se tivo constancia do primeiro lume. A persoa que chamou aos servizos de emerxencias indicou que había tres vehículos ardendo na Praza da Armada.

A partir de aí, o Centro Integrado de Atención ás Emerxencias 112 Galicia comezou a recibir un “goteo constante” de chamadas desde diferentes rúas da zona vella describindo un escenario similar. Minutos despois, outro alertante aseguraba que un automóbil ardía moi próximo a unha casa, afectando as chamas ao inmoble, que queimaron unha xanela, unha porta e un canlón de recollida de auga.

Por todo iso, deuse aviso a medios tanto españois como portugueses, mobilizándose os bombeiros de Valença e os do Baixo Miño e Ponteareas, ademais dos GES de Mos e voluntarios de Protección Civil de Tui, de Salceda e de Tomiño.

Tras apagar os lumes á primeira hora desta mañá, agora son os axentes da Policía Local e da Garda Civil os que recollen información para extraer as conclusións do que puido ocorrer. O operativo tamén contou co apoio das autoridades do Concello de Tui.

Precisamente o alcalde, Enrique Cabaleiro, cualificou os feitos de “gravísimos” ao tratarse dunha “auténtica traxedia”. Ademais, en declaracións a Europa Press, indicou que non foi “vandalismo”, senón un feito “premeditado”, xa que se queimaron a práctica totalidade dos vehículos aparcados nas prazas habilitadas no caso histórico.

Así mesmo, lamentou que ao tratarse de rúas estreitas, isto dificultou a acción dos medios de extinción. Por todo iso, ás 12,00 horas deste luns convocouse unha xunta de portavoces local e está prevista a visita da subdelegada do Goberno, Maica Larriba.

PRAZA DA ARMADA, A ZONA MÁIS AFECTADA

A zona con maior número de coches calcinados é a praza da Armada Española, en pleno centro histórico da localidade tudense, onde arderon cinco vehículos, un deles, moi próximo a unha vivenda. Así o relatou o xefe da dotación de bombeiros do Porriño, Pablo Antonio Ordóñez, que formaba parte dun dos primeiros equipos de emerxencias chegados a Tui tras recibir ás 03,40 horas unha chamada que alertaba de tres coches en chamas.

Xa na zona, os bombeiros comprobaron que había mais vehículos ardendo. “Tivemos que avisar a máis medios porque non eramos suficientes e tiñamos que ir aos poucos extinguindo por prioridade”, relatou o responsable dos servizos de extinción. Os veciños chegaron a colaborar cos bombeiros empregando mangueiras e cubos de auga, algúns mesmo desde as xanelas das súas vivendas.

“Eran unhas chamas moi vivas. Tiveron que botarlle algo proque os coches arderon moito e moi rápido”, sinalou Arturo Martínez, veciño da zona que axudou a retirar un vehículo cunha corda para evitar que as chamas se propagasen a el. “Eu pensaba que estaba a arder unha casa”, apuntou Miguel Botelo, outro veciño do centro de Tui que saíu á rúa cando escoitou varias deflagracións.

O GOBERNO CUALIFÍCAOO DE “ACTO VANDÁLICO”

A subdelegada do Goberno en Pontevedra, Maica Larriba, cualificou este luns a queima de 21 vehículos na localidade pontevedresa de Tui como “acto vandálico”. Así o sinalou ante os medios de comunicación tras reunirse co alcalde, Enrique Cabaleiro, para analizar o ocorrido esta madrugada no concello fronteirizo.

REUNIÓN COS AFECTADOS

Pola súa banda, o rexedor trasladou unha mensaxe de seguridade aos veciños e asegurou que o goberno local estará “ao carón” dos afectados. Por iso, a xunta de portavoces levada a cabo este luns ás 12,00 horas acordou convocar unha reunión ás 20,00 horas con estas persoas para pór á súa disposición os instrumentos necesarios para paliar a situación.

A pesar de todo, indicou que, a priori, serán os seguros dos coches privados os que se farán cargo dos mesmos. Pola súa banda, o Concello tratará de solicitar todas as axudas existentes para reparar o mobiliario público deteriorado.

Precisamente, esa mesma zona foi o escenario de varios incidentes ao longo dos últimos meses. Segundo veciños da área, varios coches patrulla da Policía Local ou vehículos particulares de axentes deste corpo –que carece de servizo de madrugada desde hai un ano– apareceron coas rodas picadas.