InicioSociedadeA veciñanza de Cerveira e a de Tomiño coinciden: a cooperación transfronteiriza...

A veciñanza de Cerveira e a de Tomiño coinciden: a cooperación transfronteiriza é unha gran oportunidade

PUBLICADO O

Os concellos de Vila Nova de Cerveira e de Tomiño promoveron entre decembro e febreiro deste ano a distribución, voluntaria e aleatoria, de 2.000 enquisas en espazos estratéxicos dos dous municipios. O obxectivo: percibir o impacto da cooperación transfronteiriza.

Así, tres de cada catro cerveireses e tomiñeses xa coñecían a dinámica de cooperación promovida entre Cerveira e Tomiño, acreditando que máis alá de consolidar as relación sociais e institucionais entre ambos concellos, fomenta o sentimento de que ‘todos somos europeos’, contribuíndo á mellora das condicións de vida dos habitantes desta zona.

Vivir nun territorio transfronteirizo preséntase como un espazo de oportunidade e non de dificultade para o 96,6% dos enquisados, e o reparto de servizos e de equipamentos municipais é unha das variables recoñecidas.

Dos 11 servizos compartidos, os 1.100 entrevistados fixaron unha puntuación media superior ao 8, é dicir, todos son coñecidos e están ben valorados. As tres opcións consideradas prioritarias son a piscina municipal de Vila Nova de Cerveira, o programa conxunto para nenos e nenas e o programa de apoio a creación de empresas.

As respostas foron monitorizadas por unha empresa certificada que presenta un erro de mostra do 2,94% para un nivel de confianza do 95,5%. En total, as enquisas estaban compostas por 26 preguntas de resposta rápida, co obxectivo de estudar o grao de coñecemento e as características da procura de servizos de uso común, obtendo información privilexiada para actuacións futuras.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...