Unha serpe de máis dun metro de lonxitude foi achada este mércores na cociña dun piso situado no centro urbano de Tomiño.
Segundo detallaron fontes do Grupo de Emerxencias Supramunicipal (GES) da Guarda, cuxos efectivos interviñeron tras ser contactados polo centro do 112 en Galicia, o incidente tivo lugar ao redor das 6,00 horas.
En concreto, os inquilinos atoparon o animal baixo o fregadeiro e puxéronse en contacto co servizo de emerxencias do 112 Galicia. Posteriormente, efectivos do GES desprazáronse ata a vivenda, situada no segundo piso dun edificio da rúa República Arxentina.
Unha vez no domicilio, os traballadores de emerxencias tentaron capturar á serpe, pero esta escondeuse tras un electrodoméstico. Tras desmontalo, os efectivos do GES introduciron nun bote de plástico ao animal, que posteriormente foi posto en liberdade nun monte próximo.
