InicioSociedadeO Biomercado de Tomiño triunfou entre a veciñanza na súa cuarta edición

O Biomercado de Tomiño triunfou entre a veciñanza na súa cuarta edición

PUBLICADO O

- Advertisement -

Unha vez máis, o Biomercado de Tomiño resultou todo un éxito, segundo celebran desde o Concello. Centos de persoas así o confirmaron coa súa visita ao longo da xornada, atraídos polos numerosos produtos e actividades ofertados.

Cestos/ Concello de Tomiño

Rexistrouse unha gran participación nos obradoiros de pan e xogos, tamén nas degustacións para todos os padais, a exposición e venda de produtos ecolóxicos ou a artesanía e gastronomía saudables.

Posto do BioMercado/ Concello de Tomiño

Non faltaron charlas sobre negocios emprendedores nin un toque musical da man de Sabela Cereijo e Cherry Sweet. Todas estas iniciativas puxeron de manifesto a consolidación do evento, que este ano chegaba a súa cuarta edición.

Posto artesanal no Biomercado/ Concello de Tomiño

Novidades coma a preparación e degustación de pratos con estrugas (ortigas) e os obradoiros de pan foron dúas das grandes atraccións, espertando o interese de persoas de todas as idades.

Obradoiro de pan/ Concello de Tomiño

Se ben a mañá rexistrou un bo número de visitantes, foi a tarde a que congregou maior afluencia de público.

Panorámica do mercado/ Concello de Tomiño

Asemade, as charlas sobre emprendementos no rural, nas cales os promotores contaban a súa experiencia, foron outro dos focos de atracción, rexistrando boa asistencia de persoas interesadas. E tamén, por suposto, as clases de ioga.

Clase de ioga no Biomercado de Tomiño/ Concello de Tomiño

 

O concelleiro de Promoción Económica, Antonio Tartglione, e demais organizadores, realizaron un balance moi positivo desta cuarta edición do Biomercado de Tomiño, tanto na cantidade e calidade dos postos que concorreron, coma na afluencia de público acadada.

Pimentón recén molido/ Biomercado de Tomiño

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...