O Concello da Guarda organizará a vixésimo oitava edición da Festa da Lagosta e da Cociña Mariñeira os días 6, 7 e 8 de xullo. Como en anteriores edicións, o festexo gastronómico completarase coa celebración da tradicional Feira de Artesanía na rúa do Porto.
Os artesáns e as artesás interesadas en participar deberán enviar a súa solicitude debidamente cumprimentada, xunto coa documentación especificada nas bases, antes do vindeiro 25 de maio ao correo electrónico turismo@aguarda.es.
O mercado artesanal celebrarase os días 7 e 8 de xullo e a participación no mesmo será gratuíta. Para máis información, as persoas interesadas poderán achegar á Oficina de Turismo do Concello da Guarda (Praza do Reló, s/n), chamando ao teléfono 986 614 546.
Eixencias que serán de obrigado cumprimento para os participantes:
• Tan só poderán participar postos de artesanía. Polo que non se aceptan postos
de revenda ou de segunda man.
• A participación é gratuíta para o artesán.
• É obrigatorio participar os dous días: 7 e 8 de xullo.
• O horario deberá ser respectado por todos os participantes. O posto deberá
estar montado ás 11.00 e poderase desmontar a partir das 20.00 horas. No
caso de choiva non se esixirá cumprir este horario.
• A organización pode solicitar a carta de artesán a aqueles interesados que así
o considere. Para axilizar a organización recomendase remitir a copia da carta
de artesán ou ben xustificar por que non se ten.
• O Concello será o responsable da elección dos artesáns convidados e como nas
edicións anteriores valorarase a aqueles artesáns que xa participaran na
edición pasada. Excluiranse aqueles que incumprisen as bases.
• O Concello facilita un stand de dous metros a cada artesán e non se poderá
mover do lugar indicado pola organización. Non haberá luz artificial.
• O posto será acondicionado polo artesán. É obrigado colocar no fronte o cartel
anunciador da festa gastronómica (repartirase o a cada artesán no primeiro
día da feira).
• O stand pódese aumentar con outro pequeno posto ou colgador de roupa
SEMPRE que non ocupe máis dun metro. Procúrase que todos os stands teñan
un tamaño e aspecto semellante.
• O persoal responsable da Feira encontrárase na carpa da Festa da Lagosta e
da Cociña Mariñeira para atender calquera dúbida ou problema que xurdira
durante a feira.
• A recepción deste escrito non implica a participación na feira de artesanía.
• Persoa de contacto: Rosalía (Oficina de Turismo) no tel. 986 614 546. Teléfono
de contacto para os días da feira: 620.795.901
• O Concello da Guarda como organizador pode modificar as condicións sendo
comunicadas previamente ós artesáns.
• A participación na feira implica a aceptación das presentes bases.
Para solicitar a participación na Feira de Artesanía da Festa da Lagosta da
Cociña Mariñeira:
-Remitir a solicitude cumprimentada completa a turismo@aguarda.es e incluír a
documentación.
-Prazo de entrega das solicitudes: 25 de maio de 2018
