Unha máquina tragaperras nas marismas do río Miño, na súa desembocadora na Guarda. Iso é o que se atopou o ambientalista Manuel Sobrino Senra esta fin de semana e denunciou nas súas redes sociais de “El naturalista Cojo”.

Segundo apunta Sobrino, esta máquina estaba ciscada nas marismas de Salcidos e boa parte dos seus restos estaban esparcidos por todo o leito do río nunha zona especialmente sensible aos impactos ambientais.

“Ya hemos puesto los hechos en conocimiento del Seproma… ¡No vamos a pasar ni una!”, denunciaba o activista medioambiental nas súas redes sociais.

Xornal de Vigo puido saber que a máquina foi roubada na madrugada do luns nun establecemento comercial da Guarda, concretamente, na cafetería Alameda.

As máquinas tragaperras, foco de interese para os ladróns.

A zona de Baixo Miño e Val Miñor padecen dende fai meses continuos roubos deste tipo, de feito o pasado 2 de decembro era desarticulada unha banda criminal que actuaba en Galicia e Castela León á que se lle imputan 36 delitos contra a propiedade.