O presidente da Zona Franca, David Regades, vén de reunirse co tenente de alcalde de Caldas de Reis para analizar intercambios comerciais con Latinoamérica, máis concretamente con Colombia.

O día 12 de setembro virán a Galicia empresarios e políticos colombianos con motivo das celebracións do 250 aniversario do nacemento do científico Francisco José de Caldas, prócer da independencia do país centroamericano bañado polos dous océanos e polo mar Caribe.

Desde Colombia están “moi interesados en estudar as posibilidades de comercio de café e ron para as grandes distribuidoras de alimentación de Galicia“, aseguran desde a Zona Franca.