Unha persoa resultou ferida na tarde deste martes tras chocar contra un letreiro no aparcadoiro do Corte Inglés de Vigo.

Segundo fontes do 112 Galicia, os feitos ocorreron sobre as 16,45 horas, cando un particular alertou de que unha persoa resultara ferida tras impactar co seu vehículo contra un letreiro no Corte Inglés da rúa Gran Vía.

Debido a que estaba liberada e accesible, desde emerxencias informouse os servizos sanitarios, á Policía Local e a Protección Civil.

FERIDO EN NIGRÁN

Antes, pasadas as 14,00 horas, outra persoa resultou ferida tras chocar co seu vehículo contra outro coche que estaba estacionado na localidade de Nigrán.

O suceso produciuse na Avenida de Portugal, á altura do número 34, e foi un particular o que alertou ao 112 Galicia. Ata alí desprazáronse os servizos sanitarios e deuse aviso ao GES de Val Miñor, á Garda Civil, á Policía Local, a Protección Civil e ao servizo de mantemento da estrada.