Dúas persoas resultaron feridas este xoves tras unha colisión entre dous vehículos no municipio pontevedrés de Gondomar. Ambos foron evacuados en ambulancia ao Hospital Álvaro Cunqueiro.

Segundo informou o 112, un dos implicados deu aviso ao servizo ao redor das 12,45 horas para indicar que acababa de sufir un accidente na PO-331 ao seu paso pola parroquia de Santa Mariña de Vincios, en Gondomar. No transcurso da chamada tamén solicitaba asistencia sanitaria tanto para ela mesma como para outra das persoas afectadas.

Desde o 112 solicitouse a colaboración do persoal de Urxencias Sanitarias de Galicia-061, da Garda Civil de Tráfico e da Policía Local de Gondomar. Ademais, foron informados o GES e Protección Civil de Val Miñor, así como os operarios de conservación das estradas. Finalmente, os servizos sanitarios confirmaron ao 112 que evacuaran a dúas persoas ao Hospital Álvaro Cunqueiro.