Unha persoa tivo que ser evacuada a un centro hospitalario debido a un accidente de circulación con catro vehículos implicados rexistrado na A-55 á altura de Salceda de Caselas.
Segundo informou o CIAE 112 Galicia, o choque múltiple produciuse ás 17,15 horas deste mércores no punto quilométrico 24 da autovía en sentido Tui.
Ata alí mobilizáronse os profesionais de Urxencias Sanitarias 061 Galicia, que trasladaron a un dos ocupantes dos coches a un centro hospitalario para que recibise atención médica.
O sinistro provocou retencións na zona, situada á altura da parroquia de Santo Estevo de Budiño, onde foi necesaria a intervención dos bombeiros e o servizo de mantemento da autovía para limpar os restos de combustible que quedaron esparexidos pola estrada.
