A factoría de Stellantis en Vigo volverá parar a súa actividade por falta de aprovisionamentos, segundo comunicou a dirección da empresa ao persoal, e suspenderá a súa actividade este mércores.
A parada afecta nesta ocasión aos dous sistemas de produción (o que monta os modelos Peugeot 2008, C-Elysée e Peugeot 301, e o que monta as furgonetas) e ás tres quendas. Está previsto que se retome o traballo o xoves ás 6,00 horas.
No que vai de mes de setembro, a planta de Stellantis en Vigo suspendeu a súa produción total ou parcialmente unha ducia de días, incluídos todos os fins de semana. Eses ‘paróns’ na actividade, estiveron precedidos por outros en agosto, cando tamén tivo que suspenderse a produción varios días tras a reincorporación das vacacións por problemas de aprovisionamento.
