Persoal do sector do comercio do metal da provincia de Pontevedra retoman este martes as mobilizacións para reclamar o desbloqueo da negociación do convenio.

Por iso, despois unha concentración diante da sede da Confederación de Empresarios na mañá deste martes, percorrerán as rúas da cidade olívica a partir das 20,00 horas, saíndo de Vía Norte ata o farol de Urziaz en protesta pola situación.

Desde a CIG, CC.OO. e UGT consideran “miserable” a última proposta de convenio dos empresarios, que estaría vixente entre 2020 e 2023, sen incremento salarial nos dous primeiros anos e en 2022 suporía unha subida do 6,5% e para 2023, do 3%, “con revisión salarial topada nun 4%”.

“A proposta non contempla nin redución de xornada anual nin outras melloras das condicións laborais”, criticaron desde o sector, polo que o persoal e as centrais sindicais decidiron iniciar unha campaña de información e de mobilizacións o pasado 8 de xuño, que retoma este martes.