A dirección da factoría do grupo Stellantis en Vigo comunicou este xoves ao seu persoal unha nova suspensión de actividade por falta de aprovisionamentos, que se suma ás frecuentes paradas que xa fixo a fábrica polo mesmo motivo desde a volta ao traballo tras o período vacacional.

Nesta ocasión, confirmouse a suspensión para os dous sistemas de produción na xornada do sábado, así como no sistema 2 (o que monta as furgonetas) na quenda de noite do domingo.

Así mesmo, a empresa comunicou que a previsión é renovar a actividade nos dous sistemas o luns 12 de setembro, na quenda de mañá (ás 6,00 horas).