Un mariscador foi rescatado este xoves tras sufrir unha caída nunha zona de rocas en Oia, segundo informou o 112. No operativo participaron os Bombeiros do Baixo Miño e membros do GES da Guarda, que ademais contaron coa colaboración de varios mariñeiros locais.

Aínda que se mobilizou un helicóptero de Salvamento Marítimo e do Servizo de Gardacostas de Galicia, o mariscador ferido, que se lesionou nun pé, puido ser evacuado por terra. O escarpado do terreo e a posible exposición ao mar convertían complicaban o rescate.

Unha vez rescatado, finalmente por terra, trasladárono en padiola ata a ambulancia, que esperaba nas proximidades para prestar asistencia sanitaria ao ferido. Para este operativo tamén foron informados axentes da Garda Civil de Pontevedra.