Axentes da Policía Local de Vigo identificaron e denunciaron a un veciño da cidade, A.P.T., de 43 anos de idade, como causante dun altercado entre veciños, e ao que interviñeron varias armas, entre elas un coitelo de grandes dimensións.

Os feitos ocorreron na madrugada deste martes, cando varias dotacións do 092 mobilizáronse tras recibir o aviso de que se estaba producindo unha pelexa entre un home e outros veciños, con alteración da orde pública.

Unha vez no lugar, os axentes procederon a separar ás partes e a identificar ao presunto causante do altercado, que foi rexistrado e ao que se lle interviñeron un coitelo de grandes dimensións, varias cadeas metálicas, unha tesoira e un desaparafusador metálico cun martelo nun extremo. Por estes feitos, abríronse dilixencias de denuncia por infracción do regulamento de armas.