A empresa ferroviaria Renfe reforzará este venres e sábado, 12 e 13 de agosto, os seus servizos entre A Coruña e Vigo con motivo da celebración do Marisquiño, para o que se contará con máis de 1.100 prazas extra para os viaxeiros que se despracen á festividade na cidade olívica.
Nun comunicado, o Ministerio de Transporte confirmou que os viaxeiros poderán gozar dun 10% de desconto sobre o mellor prezo no momento de compra. Para solicitar a rebaixa no prezo, os pasaxeiros deberán solicitar o código desconto no correo info@omarisquiño.com.
Esta non é a primeira ocasión que Renfe facilita transporte para acudir a eventos deste tipo. Durante este verán a empresa ferroviaria ampliou os seus servizos para O Son do Camiño, o Atlantic Fest ou o Festival Internacional do mundo Celta de Ortigueira.
Por último, Renfe aconsella anticipar a compra polas canles de venda habituais —renfe.com, despachos de billetes, máquinas autoventa, a app RenfeTicket ou o teléfono 912 320 320– para evitar aglomeracións e garantir a praza aos viaxeiros.aglomeracións e garantir a praza aos viaxeiros.
