O aeroporto de Peinador, en Vigo, está parcialmente afectado por unha focha na pista, de maneira que está a operar só por unha cabeceira, aínda que non hai afectación operativa.

Así o trasladaron fontes de Aena, que explicaron que os técnicos están a estudar os danos e, de maneira preventiva, optouse por operar só nunha das cabeceiras.

Con todo, as mesmas fontes precisaron que o incidente non afectou a ningún dos voos programados na terminal viguesa. De feito, ás 19,45 horas aterrou un avión de Binter procedente de Gran Canaria.