As forzas de seguridade buscan a unha moza de 18 anos de idade, Carmen Mercedes Guerrero, que permanece desaparecida desde este xoves, e que foi vista por última vez en Vigo.

Fontes policiais confirmaron que se presentou denuncia por esta desaparición e que se pasou aviso a todas as dotacións e unidades de rúa, para que activen a procura.

A moza desaparecida ten 18 anos de idade, mide 1,63 metros, é de complexión delgada e ten os ollos e o pelo longo castaño Os seus achegados tamén puxeron a desaparición en coñecemento da asociación SOS Desaparecidos.