Axentes da Policía Local de Vigo detiveron a un veciño da cidade, A.R.O., de 56 anos de idade, como presunto autor dun delito de danos, tras golpear o parabrisas dun coche cunha lousa da beirarrúa.

Segundo informaron fontes policiais, os feitos ocorreron na tarde deste mércores, na Avenida da Florida, por onde estaba a circular unha patrulla do 092 cando foi requirida por un cidadán.

Esta testemuña informou os axentes de que unha persoa estaba, a poucos metros, golpeando un vehículo estacionado. Xa no lugar, os policías confirmaron que un home estaba, efectivamente, golpeando o parabrisas dun coche cunha lousa da beirarrúa, polo que procederon á súa detención como presunto autor dun delito de danos.