En Cangas, pouco antes das 20,00 horas deste xoves, tres motoristas sufriron diferentes lesións tras verse implicados nunha colisión entre dúas motos na Avenida da Coruña.

Un veciño, que presenciou o choque desde a xanela da súa casa, contactou co 112 Galicia para pedir axuda. Así, avisouse a un equipo de Urxencias Sanitarias de Galicia-061, aos axentes da Policía Local e Garda Civil de Tráfico e aos membros do servizo local de Protección Civil.