O alcalde de Vigo, Abel Caballero, anunciou que a cidade está a menos de 700 habitantes de recuperar a cifra de 300.000, segundo o patrón municipal a 15 de xuño, onde se recollía que había xa 299.321 vigueses.

Na súa rolda de prensa diaria, o rexedor subliñou o “rápido” crecemento da urbe olívica, xa que a 1 de xaneiro deste ano estaban rexistrados no Concello 297.610 vigueses. “En seis meses escasos o número de habitantes creceu en 1.711”, reivindicou Caballero, o que, ao seu xuízo, “mostra o que está a suceder na cidade”.

Desta maneira, Vigo mantense como a cidade máis habitada de Galicia e está a piques de alcanzar cífraa marca de 300.000 persoas vivindo nas súas rúas. Dato que xa alcanzou noutras ocasións, como a comezos de 2020 ou en 2003.