Axentes da Policía Local de Vigo detiveron un mozo de 22 anos de idade, L.A.S.G.A., como presunto autor dun delito de violencia de xénero, tras losquear a súa muller durante unha discusión.

Segundo informaron fontes policiais, os feitos ocorreron na noite deste mércores, cando unha dotación do 092 que patrullaba pola Travesía de Vigo observou unha rifa tumultuaria, na que estaban implicados un home e tres mulleres, unha das cales trataba de agredir o home.

Os axentes identificaron o home, que lles relatou que se atopou cunha compañeira de traballo e a convidou a cear no seu domicilio. Xa na vivenda, presentáronse a súa muller e a súa cuñada e comezara unha discusión, que continuou despois na vía pública.

A súa parella confirmou eses feitos, aínda que engadiu que, ao principio da rifa, o home propináralle unha labazada, versión que corroborou a súa irmá. Por iso, o home foi detido como presunto autor dun delito de violencia de xénero.