As familias dos mariñeiros que perderon a vida no naufraxio da ‘Vila de Pitanxo’ en augas de Terranova, en Canadá, avanzan na presentación formal das querelas criminais que anunciaran contra o patrón e o seu sobriño, así contra a armadora, Grupo Nores de Marín.

A portavoz dos afectados, María José de Pazo, ratificou que as primeiras querelas presentáronse o pasado venres e durante esta semana rexistraranse as que faltan, tendo en conta que, segundo explicou, hai familias que tiveron problemas cos poderes.