O alcalde de Vigo, Abel Caballero, mostrouse “moi esperanzado” este martes en relación coa sede do Instituto Español de Oceanografía (IEO) da cidade tras reunirse coa ministra de Ciencia e Innovación, Diana Morant.

Na súa rolda de prensa diaria, o rexedor olívico emprazou a “esperar acontecementos”, pero destacou que ten “esperanza” despois de reunirse con Morant en Madrid este luns.

Todo iso en relación á decisión do Goberno de trasladar as sedes do IEO a Cantabria e a Murcia, deixando fóra a Galicia desta descentralización do devandito Instituto e quedándose Vigo sen unha desas dúas sedes, como defende o alcalde e a Xunta.