Un mozo, D.P.D.A. de Vigo e 21 anos de idade, foi detido na madrugada do pasado mércores tras tentar romper o cristal dun escaparate dun local da cidade olívica. Tal como informou a Policía Local, foi un veciño o que alertou aos axentes sobre as 01,40 horas ao escoitar varios golpes contra un cristal. Unha vez no lugar, os actuantes observaron danos no escaparate dun establecemento, comprobando que o cristal estaba danado pero sen chegar a fracturarse por completo.
Ademais, atoparon na zona varios obxectos con restos de sangue, así como a un home a escasos metros que camiñaba de maneira “apresurada” afastándose do lugar. Por iso, procedeuse á súa identificación, dándose conta os funcionarios de que o mozo presentaba cortes sanguentos na man dereita. “Preguntado polos feitos comezou a dar versións contraditorias, recoñecendo finalmente golpear o cristal pero con intención de causar danos”, recolle a Policía. Con todo, “todos os indicios” apuntaban á comisión dun ilícito penal, polo que se procedeu á detención do home pola suposta comisión dun delito de roubo en grao de tentativa.
