O Subsector de Tráfico da Garda Civil de Pontevedra realizou durante o pasado mes de xullo 21.777 probas de alcohol e drogas na rede viaria da provincia de Pontevedra.
Leváronse a cabo 21.308 probas de alcoholemia e detectáronse 376 condutores que deron resultado positivo.

A maior parte deles, 358, foron detectados en controis preventivos, 10 con motivo de sufrir
un accidente de circulación e 8 con ocasión de infraccións á Lei de Seguridade Vial.
Pola súa banda, outros 265 condutores deron resultado positivo nas 469
probas que se realizaron de drogas. Deles, 222 detectáronse nos controis preventivos, 27 con ocasión de infraccións e 16 con motivo de sufrir un accidente de circulación.

Sobresaen os casos de dous condutores que deron positivo en tres drogas distintas.
Por idades, a porcentaxe máis alta de probas positivas de alcoholemias correspóndese co grupo de condutores comprendido entre os 18 e os 34 anos. Por sexo, o 85% dos condutores denunciados neste período de tempo son varóns.