Unha persoa necesitou asistencia tras declararse un incendio na cociña dun piso na rúa Sanjurjo Badía, no municipio Vigo.

Segundo a información recollida no 112 Galicia, a persoa afectada tivo que ser trasladada ao Hospital Álvaro Cunqueiro, despois de tentar apagar o lume cun extintor. Por outra banda, as chamas calcinaron a estancia da vivenda por completo.

O incendio tivo lugar sobre as 16,30 horas deste martes. Nese momento, o 112 Galicia recibía a chamada dunha persoa particular na que daba conta do lume. Foron avisados, entre outros, Bombeiros de Vigo, Policía Local, 061 e Protección Civil.