O Bloque Nacionalista Galego (BNG) de Vigo alertou dun novo aumento “moi preocupante” dos tempos de espera da Atención Primaria da cidade, con esperas de ata dúas semanas en Navia.
“Esta situación é consecuencia directa das políticas de recorte aplicadas nos últimos anos pola Xunta do Partido Popular, en contra da sanidade pública no seu conxunto, pero que se ten cebado especialmente en contra da Atención Primaria”, recriminou o conselleiro nacionalista, Xabier P. Igrexas.
Segundo el, o aumento dos tempos de espera afecta a todos os centros de saúde de Vigo, pero con especial intensidade nos ambulatorios de Coia, A Dobrada, Casco Vello e Coruxo.
“Falamos de ter que esperar como mínimo unha semana, dez días e ata dúas semanas no caso de Navia para conseguir unha cita”, criticou Igrexas.
