A caída dun raio na madrugada deste martes provocou a caída da cúpula e a balaustrada da igrexa parroquial de Reboreda, pero non se rexistraron feridos. Segundo informou o 112 Galicia, os feitos sucederon sobre as 7,00 horas deste martes e veciñanza da zona alarmouse ao escoitar un estrondo e viron caer os restos.

Aínda que caeron ao chan a cúpula e a balaustrada da igrexa, a campá quedou no seu sitio e non se precipitou, indicaron as mesmas fontes, que sinalaron que técnicos de garda do 112 informaron a Patrimonio da Xunta para que valore os danos e estude a maneira de restaurar a igrexa.