A Consellería de Infraestruturas e Mobilidade da Xunta de Galicia adxudicou a explotación das estacións de autobuses das localidades pontevedresas de Cambados, Cangas, Ponteareas e Vigo para o próximos cinco anos, por un valor estimado de máis de 2,4 millóns de euros.

Tal como informou o Goberno galego, o contrato para a explotación deste servizo foi adxudicado á Unión Temporal de Empresas Mantementos e Servizos de Galicia e a Transportes A Unión.

O prazo do contrato da explotación deste catro estaciones é de cinco anos, aínda que no caso da estación intermodal de Vigo, actualmente en execución, o comezo desta concesión quedará condicionado á recepción das instalacións e da súa posta en servizo.

“Estas estacións de autobuses foron construídas pola Xunta e concentran a circulación de vehículos que realizan rutas de transporte interrurbano na provincia de Pontevedra, principalmente na comarca da cidade de Vigo”, explicou o Executivo autonómico.

A adxudicataria ocuparase dos servizos prestados nas devanditas infraestruturas. Na actualidade, as terminais rexistran máis de tres millóns de viaxeiros ao ano.