A xunta de goberno local do Concello de Vigo deu este xoves luz verde ao establecemento dun comité técnico que levará adiante a tramitación e a execución dos fondos europeos, dos que o concello xa solicitou ata 27,5 millóns de euros.

Tal como informou en rolda de prensa o alcalde, Abel Caballero, o comité técnico estará formado por oito persoas, ademais dun responsable do proceso, un comité de autoevaluación conformado por tres persoas e un comité de xestión de 16 persoas.

Os comités estarán formados na súa totalidade por persoal municipal, “que se vai a dedicar de forma intensa ás axudas europeas”. “Queremos darlle todo o apoio técnico e de seguimento”, reivindicou Caballero, destacando a importancia que teñen os fondos do Plan de Recuperación, Transformación e Resiliencia Next Generation EU.