Os novos contaxios de Covid-19 descenden tras dous días en aumento en Galicia, aínda que se manteñen por encima dos 6.000, con outros 6.339 –que supoñen 299 menos que o día anterior–, mentres que os casos activos seguen en ascenso ata situarse nos 78.692 –que implican 1.456 máis–.
Os pacientes hospitalizados por este coronavirus caen a 560 –constitúen 28 menos–. Pola súa banda, a taxa de positividade increméntase ata o 23,3 por cento. Segundo os datos actualizados na mañá deste venres pola Consellería de Sanidade con rexistros ata as 18,00 do xoves, a presión hospitalaria alíviase en Vigo. Aínda que aumentan os pacientes Covid en UCI a nove –dous máis–, descenden a 65 os ingresados noutras unidades –16 menos–.
CASOS ACTIVOS
Galicia mantén a tendencia ascendente dos casos activos de Covid-19, que se sitúan en 78.692, o que implica 1.456 máis que o día anterior ao haber máis contaxios (6.339) que altas (4.876), ao que se engaden sete falecementos.
Por áreas sanitarias, os casos activos aumentan na área de Vigo, que segue á cabeza (+492) e suma xa 20.899 contaxios activos.
