Unha colisión múltiple en Mos na que se viron implicados catro vehículos saldouse con tres persoas feridas, segundo informou o 112. O accidente produciuse na A-55, á altura da saída 14, en Sanguiñeda, dirección O Porriño.

O 112 informou a Urxencias Sanitarias de Galicia-061, á Garda Civil de Tráfico, aos Bombeiros do Porriño e aos membros do GES e do Servizo de Emerxencias de Mos. Do mesmo xeito, tamén foron avisados os axentes da Policía Local.

Unha vez no lugar, os membros do GES confirmaron o traslado de tres persoas por parte dos servizos sanitarios, aínda que o seu estado non parecía revestir gravidade.