O alcalde de Vigo, Abel Caballero, visitou este domingo as obras de montaxe da nora e doutros elementos da instalación do Nadal da cidade, onde asegurou que o aceso da iluminación –que terá lugar o día 20 de novembro ás 20,30 horas e que se seguirá “en toda España e Europa”– marcará o inicio do Nadal “en todo o planeta”.

O rexedor sinalou que Vigo contará coa nora máis alta e a pista de xeo máis grande de España, de 12 metros. A esta última sumaranse ademais outras situadas en Samil, outra máis pequena no Arenal e outra sen pendentes.

“Imos ter a máis importante Nadal que houbo nunca en Vigo. E imos asistir a un dos fenómenos turísticos que se viu nunca en España, o nadal de Vigo”, vaticinou o alcalde, que lembrou que canto arrincou, fai catro anos, contaban con cero visitantes, mentres que agora “son millóns”.

Neste sentido, Caballero recalcou que o Nadal vigués ten “un tirón inconmensurable”, dado que “a seguen axencias de viaxes de toda España e enche hoteis de Vigo, de Pontevedra e de Ourense”.