Un motorista faleceu tras caer da moto que conducía pola PO-340, ao seu paso pola parroquia de Malvas, no municipio pontevedrés de Tui.

Segundo informou o CIAE 112 Galicia, sobre as 18,15 horas un particular alertou ao 112 do accidente e, tras iso, tamén os servizos sanitarios confirmaban o accidente e indicaban que o home estaba inconsciente.

Ante iso, o persoal do 112 comunicou os feitos á Garda Civil de Tráfico, aos Bombeiros do Baixo Miño, así como á Policía Local e a Protección Civil de Tui. Xa no lugar, os servizos de emerxencias confirmaron o falecemento do motorista.