O Centro de Atención a Persoas con Discapacidade de Redondela rexistra entre os seus usuarios 37 positivos, segundo informou a Consellería de Sanidade, o que eleva a 51 os contaxios nestes centros.
Ademais, cifra en 77 as infeccións en residencias de maiores, un menos que na xornada anterior tras o negativo dun usuario da residencia Bodía Magnolio de Vigo.
Así as cousas, tal e como informou a Consellería de Sanidade nun comunicado, dos 77 casos activos en residencias de maiores un total de 28 corresponden á residencia García Irmáns de Betanzos, onde se rexistra o maior número, seguida da residencia Val de Monterrei, neste municipio, con 24.
Outros dous son na residencia Santo Estebo de Perlío (Fene); seis na vivenda comunitaria de Alfoz; sete na residencia de maiores de Ribadeo; un na de Candrexa de Queixa; cinco na residencia Soremay, en Pontevedra; tres na de Santa Marta de Vigo e un en Domusvi, desta cidade tamén.
Por outra banda, elévanse os positivos en residencias de discapacidade tras os detectados no CAPD de Redondela. Así, sitúanse en 51 os usuarios contaxiados: 14 no Fogar e Clínica de San Rafael, en Vigo, e os 37 do centro de Redondela.
